வேலைவாய்ப்பு அலுவலக பதிவை புதுப்பிக்கலாம்

பெரம்பலூர், நவ. 9: 2008-ம் ஆண்டுக்கு முன்னதாக பதிவைப் புதுப்பிக்கத் தவறியவர்கள் நவ. 23-ம் தேதி வரை விண்ணப்பிக்கலாம் என்று பெரம்பலூர் மாவட்ட வேலைவாய்ப்பு அலுவலர் சி. தமிழ்ச்செல்வி தெரிவித்தார்.  இதுகுறித்து அவர் திங்கள்கிழமை வெளியிட்ட செய்திக் குறிப்பு:  பெரம்பலூர் மாவட்டத்தைச் சேர்ந்தவர்கள், ஏற்கெனவே வேலைவாய்ப்பு அலுவலகத்தில் தங்களது பெயரை பதிவு செய்து, 2008-ம் ஆண்டில் தங்களது பதிவைப் புதுப்பிக்கத் தவறியவர்கள், ஏற்கெனவே சலுகைப் பெற்றிருந்தாலும் மீண்டும் ஒருமுறை சலுகை அடிப்படையில் தங்களது பதிவை தற்போது புதுப்பித்துக் கொள்ளலாம்.  எனவே, தகுதியுடையோர் விண்ணப்பிக்க வெள்ளைத்தாளில் எழுதி, தங்களது பதிவு அட்டையின் நகல் மற்றும் சுய முகவரியிட்ட அஞ்சல் அட்டையுடன் விணணப்பிக்க வேண்டும்.   2008-ம் ஆண்டுக்கு முன்னதாக பதிவைப் புதுப்பிக்கத் தவறியவர்கள் விண்ணப்பிக்கத் தகுதியற்றவர்கள். எனவே, பெரம்பலூர் மாவட்டத்தைச் சேர்ந்தவர்கள் இந்த வாய்ப்பை தவறாது பயன்படுத்திக் கொள்ள வேண்டும்.

நன்றி: தினமணி

Source: http://www.dinamani.com/edition/story.aspx?SectionName=Edition-Trichy&artid=152699&SectionID=138&MainSectionID=138&SEO=&Title=%E0%AE%B5%E0%AF%87%E0%AE%B2%E0%AF%88%E0%AE%B5%E0%AE%BE%E0%AE%AF%E0%AF%8D%E0%AE%AA%E0%AF%8D%E0%AE%AA%E0%AF%81%20%E0%AE%85%E0%AE%B2%E0%AF%81%E0%AE%B5%E0%AE%B2%E0%AE%95%20%E0%AE%AA%E0%AE%A4%E0%AE%BF%E0%AE%B5%E0%AF%88%20%20%E0%AE%AA%E0%AF%81%E0%AE%A4%E0%AF%81%E0%AE%AA%E0%AF%8D%E0%AE%AA%E0%AE%BF%E0%AE%95%E0%AF%8D%E0%AE%95%E0%AE%B2%E0%AE%BE%E0%AE%AE%E0%AF%8D